Aurten ere, Zerbimek Global Industrie azokan parte hartu du. Europako industria sektoreko nazioarteko topaketa garrantzitsuenetako bat da, eta aurten Parisen ospatu da martxoaren 30etik apirilaren 2ra bitartean.

Edizio berri honetan parte hartzeak gure nazioarteko presentzia indartzen jarraitzeko, lankidetza aukera berriak sortzeko eta industria sektoreko enpresa zein profesionalekin harremana mantentzeko aukera eman digu.

Global Industrie azokak urtero mundu osoko milaka profesional eta industria-enpresa biltzen ditu, berrikuntzarako, teknologiarako eta industria networking-erako erreferentziazko gune bihurtuz. Azokan zehar, doitasunezko mekanizazioan dugun esperientzia partekatzeko eta sektoreko azken joerak ezagutzeko aukera izan dugu.

Zerbimeketik eskerrak eman nahi dizkiegu gure standera gerturatu diren pertsona guztiei, gu ezagutzeko, esperientziak partekatzeko eta lankidetza aukera berriak aztertzeko interesa izan dutelako.

Doitasun handiko mekanizazio-soluzioak eskaintzen jarraitzen dugu, eta gure bezeroekin batera gero eta proiektu berritzaileago eta zorrotzagoetan hazten jarraitzeko lanean ari gara.

Berriro itzuliko gara Advanced Manufacturing Madrid-era!

Aurten ere, Zerbimek izango da bertan, metalezko industria, mekanizazioa eta fabrikazio aurreratua biltzen dituen azokan erreferente nagusian. Aurten 10. pabiloian, H33 standean egongo gara, eta gure azken berrikuntzak partekatzeko prest gaude gure stand-era hurbiltzen zareten guztiekin.

Zergatik parte hartzen dugu berriro Advanced Manufacturingen?

Advanced Manufacturing Madrid Espainiako eta Europako berrikuntza industrialaren topagune nagusietako bat bihurtu da. Ekitaldi honek sektoreko liderrak biltzen ditu, euren prozesuen eraginkortasuna eta iraunkortasuna hobetzeko helburuarekin. Zerbimek-en, lankidetzaren eta ingurune honetan sortzen diren harremanen balioaren aldeko apustua egiten dugu. Aurreko edizioetan lehen eskutik bizitako esperientzia onen ondoren, aurten ere itzultzea erabaki dugu.

Gure parte-hartzeak bezero eta bazkideekin harremanak sendotzeko aukera emateaz gain, mekanizazio zehatzean, automatizazioan eta fabrikazio adimendunean ditugun azken irtenbideak aurkezteko aukera ere ematen digu.

Zer aurkituko duzu H33 standean?

Aurten gure taldea teknologia digitalak ekoizpen-prozesuetan nola itengratzen ditugun erakusten egongo da.

Gure standean izango duzu aukera:

• Gure ekoizpen-gaitasun berriak ezagutu.

• Benetako prozesu industrialetan aplikatutako automatizazio adibideak ikusteko aukera.

• Gure mekanizazio zerbitzuaren berritasunak ezagutu.

• Arrakasta-kasu berriak ikusi.

Industria-sektoreko kide bazara eta zure prozesuak hobetu, baliabideak optimizatu edo fabrikazio adimendunerantz aurreratu nahi baduzu, ezin duzu aukera hau galdu. Etor zaitez 10. pabiloiko H33 standera.

Advanced Manufacturing-en ikusiko dugu elkar!

Zerbimeken aurrera egiten jarraitzen dugu berrikuntzarekin eta etengabeko hobekuntzarekin dugun konpromisoan. Azken hilabeteotan urrats estrategiko oso garrantzitsua eman dugu gure ekoizpen eta lehiakortasun gaitasuna indartzeko: Lagun Machinery-ren bi mekanizazio zentro berriem erosketa eta hauetako baten automatizazioa, Nachi MZ12 robotaren bidez. Bai mekanizazio-zentroak bai robota jadanik martxan daude gure instalazioetan.

LAGUN EVZ630, 5 ARDATZETAKO MEKANIZAZIO ZENTROA

Ekipo horietako lehena Lagun mekanizazio-zentroa da, EVZ630, 5 ardatzekoa hain zuzen ere. Doitasun handiko makina da, pieza konplexu eta handiak fabrikatzeko diseinatua, diseinu-aukerak handitu eta mekanizazio-denborak murriztu ditzakena. 850 mm-ko ibilbidea du X ardatzean, 820 mm-koa Y ardatzean eta 610 mm-koa Z ardatzean eta horrez gain, 750 mm-rainoko diametroa eta 450 mm-ko garaiera duten piezekin lan egiteko gai da. Aurrerapen azkarrek eta A ardatzean duen biraketa-mailak, makinak automozioan, aeronautikan, trenbidean, industrian edo ekipo-ondasunetan pieza zorrotzetara egokitzeko duen gaitasuna indartzen dute.

LAGUN L850 MEKANIZAZIO-ZENTROA, ROBOT AUTOMATIZATUAREKIN

Aldi berean, LAGUN L850 mekanizazio-zentro bat sartu dugu, karga- eta deskarga-sistema automatizatua duena, hau dena posible da NACHIren MZ12 robotari esker, GarantBasic teknologiarekin integratuta dagoena. Sistema honek jauzi handia dakar produktibitateari eta baliabideen optimizazioari dagokienez; izan ere, makinak modu autonomoagoan lan egitea ahalbidetzen du, gure taldea balio erantsi handiagoko zereginetan zentratu ahal izateko. Robotak sei ardatz ditu, 1.454 mm-rainoko irismen horizontala eta 10 kg-rainoko karga-ahalmena. Gainera, hautsaren eta zipriztinen aurkako babesa eskaintzen du, fidagarritasuna bermatuz, baita lan-ingurune zorrotzetan ere.

Inbertsio hauekin, enpresaren produkzio-ahalmena indartu dugu, eta beste urrats bat ematen dugu gure prozesuak hobetu ahal izateko. Inbertsio hauek definitzen gaituzten balioekin dugun konpromisoari erantzuten dio: gure bezeroei kalitate gorena eskaintzea eta berrikuntzaren aldeko apustu etengabeari eustea.

Zerbimeken ospakizunetan gaude. Joan den maiatzaren 29an, Adegik Fabrikan antolatutako Enpresaren Egunean, 2025eko Gipuzkoako Enpresa Berriaren Saria lortu genuen. Talde osoarentzat, aitorpen hau hazten jarraitzeko bultzada handia da eta  harrotasun eta bultzada handia da hazten jarraitzeko, hasi ginen ilusio berarekin.

Sari honek Gipuzkoako enpresa gazteen potentziala aitortzen du eta, guretzat, lanean ilusioz eta konpromisoz jarraitzeko izugarrizko motibazioa izan da. 2014an enpresa sortu zenetik, langile bakar batekin soilik, gaur egun 30 langileko enpresa izatera pasatu gara, beti ere teknologian inbertituz, gaitasunak zabalduz eta nazioartekotze bidean urrats sendoak emanez. Hau dena Zerbimek osatzen dugunon ahalegin partekatuari esker lortu dugu. Badakigu aitorpen hau ez dela amaiera bat, etapa berri baten hasiera baizik, eta etapa horretan hobetzen eta hazten jarraitu nahi dugu, betiere etorkizunari begira.

Adegiri eskerrak eman nahi dizkiogu gugan konfiantza izateagatik, bairta gure bezeroei Zerbimeken aldeko apustua egiten jarraitzeagatik eta, bereziki, egunero proiektu hau posible egiten duten lankide guztiei ere.

Sari hau guztiona da, eskerrik asko denoi!

Ekitaldiaren berri gehiago izan nahi baduzue, Adegik argitaratutako albistea irakur dezakezue. Horrez gain, Adegik bideo berezi bat grabatu zigun ekitaldirako, eta bai Afcmec-ek bai Goienak albistearen berri eman zuten ere.

Ekainaren 3tik 5era, BECen – Bilbao Exhibition Centre egingo den Azpikontratazio Azokan egongo ara. Azoka hori mekanizaioaren sektoreko erreferentea da, eta estatuko zein nazioarteko erakusketariak eta bisitariak ditu.

Beste urte batez, ilusio handia egiten digu ekitaldi garrantzitsu honetan parte hartzeak. CNC mekanizazio integraleko gure soluzioak aukertzen ditugu, eta parte hartzen dugun ekoizpen-prozesu bakoitzean zehaztasunarekin, eraginkortasunarekin eta kalitatearekin dugun konpromisoa erakusten dugu.

3.pabiloian gaude, F06 standean, eta gustura hartuko ditugu bai gurekin lankidetzan ari diren enpresak, bai egiten duguna gertutik ezagutzeko interesa duten kontaktu berriak. Sinergiak sortzeko, ezagutzak partekatzeko eta lankidetzarako aukera berriak aurkitzeko aukera bikaina da.

Atsegin handiz agurtuko zaitugu, esperientziak partekatuko ditugu eta elkarrekin aukera berriak esploratuko ditugu. Zure zain gaude!

Global Industrie Azoka 2025 

Atzerako kontaketa hasi da! Global Industrie 2025 Lyonen.

Amaitu da itxaronaldia!

Aurten Lyongo Global Industrie-ren edizioa gerturatzen ari da. Martxoaren 11tik 14ra, nazioarteko ekitaldi honek industriako onena bilduko du.

Bisitaritik erakusketarietara: etapa berri bat

Hainbat urtez bisitari gisa etorri ondoren, oraingoan apur bat harago goaz. Erakusketari gisa parte hartzen dugu, Gipuzkoako Ganberaren laguntzari esker. Oso eskertuta gaude harreman komertzialak indartzeko, aukera berriak aurkitzeko eta horretarako erabiltzen dugun teknologiarekin ditugun soluzioak ezagutarazteko aukera emateagatik.

Ezagutu gaitzazu eta ezagutu gure soluzio berritzaileak

Zuek aurrez aurre ezagutzea, gehiago kontatzea lantzen ari garen proiektuei buruz eta zuen negozioaren helburuak lortzen nola lagun dezaketen azaltzea gustatuko litzaiguke.

Bisita gaitzazu 5. pabiloian, F121 standean

F121 standean izango gaituzu zain, zure zalantzak argitzeko eta ideiak partekatzeko prest.

Informazio gehiago eta kontaktua

Xehetasun gehiago nahi izanez gero, jarri gurekin harremanetan helbide honetan: zerbimek@zerbimek.com

Harro gaude Confebaskek atzo Bilboko Euskalduna Jauregian egindako Enpresa eta LH ekitaldiaren 31. edizioan Gipuzkoako Lanbide Heziketa dualeko enpresa onenaren saria jaso dugula iragartzeaz. Adegiren proposamenari esker lortutako aintzatespen horrek Lanbide Heziketa Dualaren esparruan dugun konpromisoa eta lan ona nabarmentzen ditu. Alain Vivas gure manager industrialak jaso zuen saria, enpresako lankide batzuekin batera. Gainera, Alainek bere esperientzia pertsonalak eta aholkuak kontatzeko aukera izan zuen ikasle graduatu berrien aurrean.

Metal Madrid 2024ra bueltatzen gara!

Astebete barru hasiko da Metal Madrid 2024 azoka eta beste behin ere Zerbimek bertan izango da. Azken urteetan parte hartu ondoren, estatuko metalaren eta manufakturaren industriako ekitaldi garrantzitsuenetako batera itzultzea erabaki dugu. Aurten 9. pabiloian aurkituko gaituzue, B09 stand-ean.

Zergatik itzultzen gara Metal Madridera?

Urteko ekitaldi honek estatuko manufaktura-industriako eragile eta aditu nagusiak biltzen dituenez, bezero potentzialekin kontaktuak eta sinergiak sortzeko aukera ematen digu. Horrez gain, Metal Madrilen parte hartzea aukera paregabea da gure azken berrikuntzak mekanizazio-soluzioetan aurkeztu ahal izateko.

Zer espero dezakezu Zerbimek-etik B09 standean?

Zerbimeken, industria-prozesuak bizkortzen dituen zerbitzu integral aurreratuak eskaintzen ditugu. Metal Madrilen zehar, gure taldeak gure azken nobedadeak erakutsi ahal izango ditu sektorearen egungo erronkei aurre egiteko. Gainera, bisitariek hurbiletik ezagutu ahal izango dituzte gaur egun murgilduta gauden proiektuak, eta ulertu ahal izango dute gure tresnek nola lagun dezaketen beren negozio-helburuak lortzen.

Metal Madrid 2024an ezagutu nahi zaitugu!

Nahi izanez gero, ez galdu aukera 9. pabilioian, B09 standean, gu bisitatzeko. Pozik erakutsiko dizugu gure konponbideek nola lagun diezazuketen zure prozesuak optimizatzen eta helburu berriak lortzen.

Metal Madrid 2024an ikusiko dugu elkar!

Atzoko egunean, Zerbimek eta Aspromec (Mekanizatuaren Lehiakortasunerako Profesionalen Elkartea) gure lankidetza berria plazaratu genuen. Aliantza horrek gogo biziz betetzen gaitu. Mekanizazioaren sektorean ezagutza eta baliabide zabalak dituen elkarte ospetsu honen parte izatea aukera handia da guretzat.

Gure sare profesionala zabaltzeko eta berrikuntza berriak eskuratzeko aukera emango digu. Kalitatearekin dugun konpromisoa ere indartuko du. Aliantza honek elkarrekin ikasi eta hazteko aukerak eskaintzen ditu. Lankidetzaren indarrean sinesten dugu, eta sinergiak sortzeko gogotsu gaude.

Beste behin ere, azpimarratu nahi dugu Zerbimek eta Aspromec-en arteko lankidetza gure nortasunaren ezaugarrietako bat dela, Afmec, Bptd, Enpresare eta Bailara bezalako enpresa-elkarteekin ditugun harremanek erakusten duten bezala.

Oso eskertuta gaude lankidetza hori ahalbidetu duten pertsona guztiei, elkarrekin mekanizazio-industriaren lehiakortasuna bultzatu ahal izango dugula uste baitugu.

Zerbimek-Aspromec

Lankidetzari buruz gehiago jakin nahi baduzu, klikatu esteka honetan.